蕃茄BB - 28M生活

好似一直沒有好好記下蕃茄BB的生活，
就現在記錄一下

說話
講得最多一定係"比禮禮"，"禮禮要"，"禮禮食得"
忘記介紹，蕃茄BB真名叫"卓禮"~
有時又會跟大人講說話，真係要小心言行先得!

舉動
小朋友當然會哭鬧，我們會同他講"媽媽唔抱喊嘅小朋友，你冷靜一點先"，
初時佢唔知我講什麼，仲係會扭，但前幾星期有天他又是在扭抱，
我又同佢講同一番說話，佢居然低下頭抺眼淚之後再望住我笑，
太可愛了吧，唯有抱起他，之後佢每次都用這招!

食物
基本上他什麼也吃，最愛食麵、蕃茄、粟米，
肉類麻麻地，但都食，
因為婆婆貪方便，多數會餵食，
但我揍就堅持要佢自己食，
係會天一半地一半架，
但都算食得好快，半小時內一定完成!

我們沒有給糖果或包裝飲料蕃茄BB，
他只飲水同鮮果汁，同埋一早一晚5安奶，
人生流流長有排佢飲，我們希望能盡量不給他太多有味的飲品，
糖果也沒有食過，朱古力就更加沒有，
對小朋友來說，朱古力同荼都是興奮濟，
可免則免!

奶樽
一早戎左，15，16個月時已經用學習杯，
之後就再沒有找過奶樽了~

玩耍
近日最愛泥膠，日玩夜玩都唔會厭!

同伴
佢最喜歡同鄰居哥哥玩，成日玩到兩個唔願走

遊澳門

想不到蕃茄BB出世後居然去了兩次澳門，

對上一次是為了水舞間，

今次就因為好運在公司ANNUAL DINNER時抽中PACKAGE，

就當是一個小小旅行，

同蕃茄BB去行下玩下啦~

今次PACKAGE包金沙城喜來登酒店連早餐，

酒店很舒適(現在澳門D酒店間間都舒適架啦，不過價格就.......)

我們12時到達已經可以取房間，

之後就周圍行下食下，

在大三巴試食杏仁餅，

蕃茄BB第一次食，

食了好幾塊，

又食鳳凰卷同豬肉乾，

飽哂~

 第一天晚上為了方便回酒店，

我們選擇了在酒店一間意大利餐廳食飯(Bene)，

叫了海鮮併盤，意大利麵同簿餅，

好好味，價錢一點也不貴，

但有一流水準~

(哎呀，無相要後加!)

飯後往了威尼斯人閒逛再回酒店休息~

第二天早上，

可能我們把窗廉拉上，

蕃茄BB居然舒服到唔知要起床，

但一拉開就醒過來了~

好喇BB，要去嘆早餐喇，

酒店早餐當然是自助型式，

好豐富，有中有西，任君選擇，

還有大量水果，正~

食飽飽，乘的士去了澳門大熊貓館，

可惜蕃茄BB對熊貓無興趣，

可能覺得佢唔郁唔好玩!

外面還有猴子及猿猴，

蕃茄BB比較喜歡牠們多一點!

回酒店後行了一會酒店內的商場，

原來有一間好大的兒童店，

內裡有童裝有玩具，

蕃茄BB在裡面周圍走周圍玩，

樂透極，

回酒店取行李，

蕃茄BB已入睡，

我倆亦去了TWG嘆下茶休息一下，

再等BB醒來時就乘船回港，

今次兩日一夜澳門遊好開心，

我想我們應該有排都唔會去澳門，

BB你要好好記住今次旅程喇~



行大運 - 中山紀念公園

年初四，

不經意地約了鄰居的小哥哥一齊去了行大運，

去了一個無想過會去的公園，

位於上環的中山紀念公園，

估唔到咁舒服，

有兒童遊樂場又有草地，

假日來走走很不錯，

只係今天陽光伯伯太落力了一點，

好熱呀........

回家後兩位小朋友難捨難離，

蕃茄BB要小哥哥來我們家玩，

只是一門之隔咋仔，

要玩幾昤都得啦!



蕃茄最愛

自從蕃茄bb兩歲後，

我們已經開始比其他食物他吃，

當然自家包係一定會做給他的，

蕃茄bb始終最愛提子包，

這也是我近日做得最多的麵包~

無辦法啦，做比個仔食大過天!

 



福到，新年到

蕃茄一家祝賀大家，

福到財到好運到，

馬年個個BB都健健康康，

聽教聽話~

 

 



My Birthday@Ocean Park

又踏入一月份，

Hubby和我的生日月，

老公生日的節目又去了DISNEY，

那我生日呢?

有免費票當然係去Ocean park啦~

那究竟係我們生日定蕃茄bb生日呀?



新的開始

新年快樂，

蕃茄一家祝各位2014年身體健康，

生活愉快，

各位BB開心每一天~

這一年蕃茄已經大個了不少，

以後要改叫蕃茄仔仔喇~

平安夜

2013年12月24日，

蕃茄一家祝願大家聖誕快樂，

平安幸福，

歡笑滿載~



優格

買來了原味優格，

想試下跟KB用脫水優格做芝士蛋糕，

剩下的乳清做了優格戚風

有個小朋友偷食唔抺咀

一不留神，過了火，味道佳可惜乾了一點，

下次要再低溫一點!



聖誕老人@圓方

這星期因為太累沒有打包，

跟蕃茄BB午睡後去了影聖誕老人

扮影相，似模似樣~



今年是蕃茄BB第三個聖誕節，

開始懂事的他已能投入聖誕節開心的氣氛，

今個聖誕，爸媽還會帶你周圍去架~

Happy 2

昨天約了幾個好朋友來我們家攪二次派對，
好開心，有3個小朋友仔一齊玩，
還有生日禮物收哦~
最開心一定係蕃茄BB啦!

媽媽除了整了生日蛋糕外，
還準備了一些小食比大家，
誰不知各人原來都好餓下，
一大盤南瓜意大利飯眨眼間就消失了，
好在家中還有些存貨可再煮，
第二盤的煙肉忌廉意大利飯又在短短幾分鐘被吃得一乾二淨了，
真好，可順便清一清雪櫃~

收禮物，最開心~

食藍莓，YUMMY~

扮勤力

星期六陪媽媽去JASON買材料，又可以借故買餅餅，
蕃茄BB: 媽媽以後多D帶我去超市~

再CAKE

今天再為蕃茄BB整蛋糕，

二次派對生日蛋糕，

希望你平安開心每一天~

 

抺CREAM一向是我弱項，

用了朱古力手指圍邊，

靚哂~

 

 

有個小朋友唅住個奶咀話要影相喎!

 

咁大個仔唔好唅奶咀好唔好呀，醜怪哦!

 



 



是遊戲?還是噩夢的開始?

人在香港，

要生小孩真的有好多問題會出現，

有了，要爭睇婦科床位，

生了，要爭買奶粉尿片，

大了，要爭幼稚園學位，

究竟仲有D咩要爭!

經過上年報N班失敗經驗，

今年我都沒有怠慢，

足足報了9間學校，

當中大部份是K班，

經過一個多月的密集式面試，

只得一間啟思收了蕃茄BB讀N，

其餘有三間K班的學校，

全部拒收，

為何呢?

在不知道收生基準下，

根本唔知道衰乜?

學校偏愛收大B我明，

容易控制嘛!

但細B是否真的不行?

如果真的只收大B，

為何仲浪費大家時間去面試!

呢個局住要玩嘅遊戲真的一點樂趣也沒有，

唉!!!



囍@碗屋

11月是特別的月份，

11月9日是我和茄爸結婚5週年紀念，

11月16日是蕃茄BB2歲生日，

所以11月好值得好好慶祝一番

兩大囍事，

我們選了在朋友打工的餐廳食日式放題，

好難BOOK的碗屋

朝中有人好辦事，呢句說話千古不變，

好過份的海膽山哦~

吃完刺身已飽哂!

熟食已經沒有再點叫了